Tuesday, August 19, 2008

New Thought Provoking Poem In Hindi : Contentwriter.in

Vriksh Manav Ke Sache Mitr Hain

Ek din aaya sanshay man mein,
Kaun hai mitr manav jeevan mein,

Kya dhan hi manav ka mitr hai,
Jiske karan bigda manav ka charitra hai,

Dhan ke lobh mein manushya mar raha hai,
Dhan ke liye jeevan mein paap kar raha hai,

Chori karke apne ghar mein dhan bharta hai,
Dhan ke liye doosron ka jeeva nasht karta hai,

Nahi dhan nahi ho sakta manav ka mitr,
Kyunki bigada hai isne manav ka charitra,

To kya manav ka mitr vigyan hai,
Vigyan ke karan manushya kitna mahaan hai,

Vigyan hi to manav ki unnati ka karan hai,
Vigyan se hi to uska bharan poshan hai,

Par vigyan to vinash bhi karta hai,
Vigyan hi to narsanhar karta hai,

Vigyan bhi nahi hai manav ka mitr,
Bigad diya isne kyunki dharti ka chitra,

Aakhir kaun hai mitr manav jeevan mein,
Sarvatra hai vyapt jo jan-jan mein,

Sacha mitr to wahi hota hai,
Khud dukh sehkar mitr ko jo such deta hai,

Aakhir dharti ka aisa kaun sa tatva hai,
Jiske karan manav ka astitva hai,

Sehsa man mein aaya ye vichar,
Kahin vriksh to nahi is paheli ka saar,

Haan haan vriksh hi to weh sacha mitr hai,
Jiske karan manav ka astitva hai,

Vriksh ke karan hi manushya ki shwas hai,
Vriksh manav jeevan mein bohot khaas hai,

Vriksh manushya ko dawa deta hai,
Badle mein usse kuch nahi leta hai,

Khud weh sehta hai jeewan mein dard,
Harta hai weh manav ki har marz,

Khud dhoop mein rehkar manushya ko chhaya deta hai,
Pradushan aadi ko khud mein samaa leta hai,

Vriksh hi manav ka sacha charitra hai,
Vriksh hi manav ka sacha mitr hai.

http://www.contentwriter.in/articles/poems/vriksh-mitr.htm

Written By: Shuchi Gupta, Student

Inviting all story tellers to share their children stories, short stories and poems with us!

More Poems in English & Hindi

To contribute a poem to contentwriter.in, click here

Technorati Tags: poems, india, contentwriter.in

No comments:

Followers