Wednesday, August 05, 2009

Alka Ka Bhai : New Story About Brother - Sister Bond On Contentwriter.in

New Story About Brother - Sister Bond On Contentwriter.in - Alka Ka Bhai

Garmiyon ki shaam thi. Lawn me Mrs. Malti Sinha baith kar magazine ke panne palat rahi theen. Itne me Bahadur chowkidar ne aakar kaha "memsaab main do minute ko chai lene kitchen me gaya tha. Laut kar gate par gaya tab kya dekhta hoon ki ek baccha kapde me lipta gate ke paas pada hua hai. Pata nahi kaun chod gaya hai." "Arey Bahadur jisne bhi choda ho, tum kyun use akela chod aaye. Andar le aao mere paas." "Jee memsaab," kahta hua Bahadur bahar ko bhaga. Malti ne magazine table par rakha aur utavali hokar bacche ka intezar karne lagi. Thodi hi der me Bahadur vapas aaya aur Malti ne bacche ko apni godh me le liya. "Arey kitna pyara baccha hai. Bahadur zara kitchen me jakar Bhola se thoda doodh garm karva ke ek katore me le aao. Aur haan ek chota chammach bhi lana." "Jee memsaab," kahta hua Bahadur kitchen ki oar chal pada. Malti ne kursi par baith bacche ko godh me sambhala aur usse baaten karne lagi.

Itne me Bahadur aur Bhola dono Malti ke paas aakar ruk gaye. Bahadur ne katora pakda tha aur Bhola ke haath me chammach tha. "Ye leejiye memsaab doodh." Malti ne chammach se doodh pilaya aur bacche ne aaram se pee liya. Katora khatam karke Malti ne apne sari ke aanchal se uska muh poncha. Itne me Rani ne aakar kaha "malkin aapka phone hai. Saahab baat karna chahte hain." "Accha tu bacche ko sambhal. Main phone sunke aati hoon." "Arey kitna pyara baccha hai, laayiye mujhe deejiye." Malti ne baccha Rani ko pakdaya aur phone sunne gayi. Is beech Bahadur aur Bhola ne bhi bacche ko pyar se bari bari godh me uthaya. Malti baahar aayi tab teeno ne poocha "mem saab aapne nanhe baba ke baare me saahab ko bata diya?"

Read the complete story in 2 parts here: Alka Ka Bhai | Continued
http://www.contentwriter.in/articles/short-stories/alka-bhai.htm
http://www.contentwriter.in/articles/short-stories/alka-bhai-contd.htm

Creative Short Stories, India | Contribute your fictional, realistic & creative Stories here - Visit www.contentwriter.in

www.contentwriter.in - Contribute Original, Creative & Realistic Children Stories

No comments:

Followers