Saturday, November 28, 2009

Mann - Poem in Hindi

MANN

Khula  aakash  dekha to,

Mann  roopi panchhi  udne  laga

Baadlon  ki  to  baat  chodo,

Us  se  bhi  uchaa  udne  laga,

Udati  hui  rang-birangi  patangon  ko  bhi,

Mujhse  irshaya  si  hone  lagi,

Apne  se  uchen  udate  dekh ,

Voh  apna  aapa  sa  khone  lagi,

Kat  kat  voh girne  lagi,

Dharti se  aakar  milne  lagi,

Saara  aasman mera apna  tha,

Oocha udna  mera  sapna  tha,

Achanak  sapna  toot  gaya,

Mann roopi  panchhi  rooth  gaya,

Aankh  khuli  to  dekha  sach, yeh ek  sapna  hi  tha,

Sirf  ek  dokha jo apna  hi  tha,

Panchhi  to  toote  pankhon se  jameen  par  karaah  raha  tha,

Sirf  uska  mann  hi  aakash  tak  udata  ja  raha  tha,

Toote  pankho  ke  dard  ne  baandh  diya  tha  uske  tan  ko,

Lekin  koi  bhi  dard  na  baandh  paya  aajtak  MANN  ko.

Guest Post by Rinki Gandhi rinki_gandhi@yahoo.co.in

Poems in English & Hindi

To contribute a poem to contentwriter.in, click here

Technorati Tags: poems, india, contentwriter.in 

2 comments:

Nitu said...

congrats may u succeed in every path of life

maahi said...

really heart touching..........

Followers